Язмалар

Гаиләм

Әтием – алтын багана,

Әнием – көмеш канат.

Гаиләмне яратам мин,

Сокланам аңа карап.

 

Абыем киңәш бирүче,

Гел ярдәмгә килүче.

Ике энекәш һәм сеңелем

Гаиләмә ямь бирүче.

 

Ә кичләрен безнең өйдә

Концерт була көн саен.

Абый чиртә гитарасын,

Энем уйный кураен.

 

Гаиләбездә – җиде кеше,

Һәммәсенең күп эше.

Бар Казаннан эзләсәң дә,

Юктыр гел безнең ише.

 

Ядкәр ШӘРАПОВ.

Конструктор сайтов
Nethouse